په تیر یوه کال کې په بنګله دیش کې ۲۵۶ جوماتونه جوړ شول
ایکنانیوز د الجریزه له قوله راپور راکړی، د قطر خیریه موسیسې د ۲۰۲۴کال له جولائي څخه د ۲۰۲۵ کال تر جولائي پورې په درست بنګله دیش کې ۲۵۶ بشپړ مجهز جوماتونه جوړ کړي دي ؛ دغه مقدس ځایونه په کلیوالو سیمو او ښارګیو کې څه دپاسه یو پنځوس زره لمونځ ګوزارو ته آرامښت او هوساینه بیرته ورګرځولی شي.
د قطر خیریه موسیسې په یوې اعلامیې کې وئيلي دي، چې د موقته لمنځونو پرانیستې فضاؤ په ځاي پياوړي او بشپړ سنبال جوماتونه جوړ شوي دي؛ هر یو جومات وضوخانه ، د لمونځ ټغر، بریښنا یا رڼا ،پنکې او لاؤډسپيکر لري چې د لمونځ زده کړې او ټولنیزو فعالیتونو لپًاره مناسب چاپیریال برابروي.
ددغو جوماتونو جوړول د نظر وړ سیمو د ضروري اړتیاؤ ته ځواب ورکوي . داسې ځاي چې ډیری لمونځ کونکي خپل لمانځونه په کوڅو او ځینو هغو ځایونو کې اقامه کوي، چې خوندیتوب او آسانتیاوې ئې نه درلودې، د ورښتونو په موسم کې ئې چتونه څاڅيدل، په داسې حال کې چې په اوړي کې به ئې د هوا د بهر ویستلو او د یخې هوا لپاره پنکې نه درلودې او د جماعت لمنځونه له ډيرو مشکلاتو او ترینګلتیاؤ سره مخامخ کیدل.
همداراز د قطر خیریه موسیسې په تیرو پنځو کلونو کې په درست بنګله دیش کې څه دپاسه شپږ سوه جوماتونه جوړ کړي او د څه دپاسه یولک پنځوس زره لمونځ ګوزارو لپاره ئې د خپلو مذهبی مناسبتونو او عبادتونو دترسره کولو لپاره د امن ځایونه جوړ او چاپيریالونه برابر کړي دي.
https://iqna.ir/fa/news/4309563
